Duro y suave son términos que nel contestu de les artes marciales denomen la manera, respeutivamente direuta o indireuta, topetando o cediendo, de contrarrestar la fuercia d'un ataque yá seya con armes o a mano vacía. Los caráuteres chinos que s’usen nes artes marciales pa téunica dura y téunica suave son 硬 (pinyin: yìng; xaponés: gō) y 柔 (pinyin: róu; xaponés: jū). Estos atópense en nomes como, ente otros, Jujutsu (柔術, jūjutsu:“arte de la suavidá”), Yudu (柔道, jūdō: “vía de la suavidá”) o Goju-ryu ((剛柔流: estilu duru y suave).